انتى عارفة أن كل حاجة ليها تكه علشان تكمل صح ، أوقات لما تيجى تعملى الكنافة بتطلع ناقصة حاجة أو مش زى بتاعه برا ، إحنا جيبنا لك أسرار وتكات الكنافة علشان تبقى مظبوطة وأحسن من بتاعه برا كمان .

بنفطر علشان نحلى بيها

ينتظر المصريون بعد الإفطار الإقبال على الحلويات التى تختلف بأصنافها وأنواعها لكن تظل الكنافة تحتل عرش الحلويات على المائدة الرمضانية ، فالكثير ينتظرها بشغف شديد خاصة بعد الإفطار . وهى أشهر أنواع الحلويات الموجودة على المائدة فى رمضان .

أنواع وأسرار جديدة للكنافة الناجحة

بعيدا عن الطرق التقليدية لعمل الكنافة ، فإن للشيفات وخبراء الطبخ تكات وأسرار استطعنا التوصل لها ونقلها إلى جمهور أخبار مصر للتعرف عليها فى البيوت المصرية

الكنافة بالنوتيلا مش هتاخد معاكى وقت

الوصفة دى سهلة وبسيطة ومش هتاخد وقت كبير للوقوف فى المطبخ لتجهيزها ، بس أتبعى الخطوات دى بعناية و هتطلع معاكى احسن بكتير من بتاعه برا .

المقادير اللازمة

نصف كيلو من الكنافة

5 ملاعق كبيرة من الزبدة

إحضار علبه من شوكولاتة النوتيلا طعمها بيختلف كتير داخل الكنافة

1 ملعقة واحدة صغيرة من السكر

تجهيز الشربات وكلنا عارفين بنحضرة إزاى

اعملى الطرق دى بعد تجهيز المقادير

أولا : يجب أن تقومي بتفتيت الكنافة ومزجها مع الزبد السائلة على النار ومعها ملعقة صغيرة من السكر .هذه الخطوة مهمه يجب تفتيتها .

ثانيا : ممكن تستعينى بالخطوة دى أو تحضرى صينية عادية حسب الرغبه احضري صينية قوالب الكب كيك وقومى بتوزيع الكنافة فيها بالتساوي ثم ادخليها الفرن.

ثالثا: بمجرد أن تلاحظى إحمرار الكنافة يجب اخراجها من الفرن فورا واسقي كل قالب على حدى بملعقة واحدة صغيرة من الشربات و اتركيها حتى تبرد.

رابعا : أحشى كل شريحتين من الكنافة بملعقة من النوتيلا وبالصحة والهنا .

لو بتحبى الكنافة بقى بالكريمة والفواكه

مش هتحتاجى فى الوصفة دى غير حاجات بسيطة وسهلة وعلى قد الأيد

أحضرى نصف كيلو من الكنافة

نصف كيلو مانجو أو موز أى فاكهه حسب الرغبه .

ملعقة صغيرة من السكر

2 كيس كريمة خفق

2 ملاعق كبيرة من القشطة

5 ملاعق كبيرة من الزبدة

2 كوب من الشربات

احفظى الطريقة دى كويس هتلاقى النتيجة تعجبك وتعجب الكل

أولا : يجب أن تقومى بتفتيت الكنافة والزبد وذلك بعد إذابتها و ضعى عليها السكر ثم وزعيها جيدا ، وبعدها ضعي الكنافة في الصينية.

ثانيا : بعد أن تلاحظة أحمرار الوش اخرجيها من الفرن على الفور وقومي بتكسير أجزاء الكنافة بالسكين وقلبيها حتى تحمر من كافة الجوانب، والهدف هنا من هذه الخطوة هو تحمير الكنافة وليس تسويتها كالطرق المعتادة .

ثالثا : في هذه المرحلة حضرى الكريمة والمانجو او الموز المقطع بخفق الكريمة مع القشطة وتقطيع المانجو أو الموز لمكعبات كبيرة.

رابعا : بعد الانتهاء من تحمير الكنافة وإخراجها من الفرن ، قومي بسقيها بالشربات وطبعا هتكونى محضراه .

خامسا : هاتى كؤوس، وضعى فيها بعض الكنافة وقومى بتوزيعها جيدا وضعى القليل من الكريمة وبعض قطع المانجو أو الموز ، وبعدها ضعي بعض من الكنافة مرة أخرى وزيني السطح بالكريمة.