قال الرئيس عبد الفتاح السيسي، إنه تحدث مع مجلس القضاء الأعلى صباح اليوم عن سهولة هدم الدول، مقابل المبالغ الطائلة التي يتم بها البناء.
الرئيس السيسي: اللي فاهم يعني ايه أمن قومي مش هيستكتر اللي بنعمله
جاء ذلك خلال كلمته بثاني أيام مؤتمر حكاية وطن بين الرؤية والإنجاز، قائلا: أنا كنت بكلم السادة مجلس القضاء الأعلى الصبح وقلتهم تخيلوا ممكن أهد مصر بـ2 مليار جنيه، وهما استغربوا جدا، قلتلهم أدي باكتة و20 جنيه وشريط ترامادول لـ100 ألف إنسان ظروفه صعبة، أنزله يعمل حالة .
الرئيس السيسي يقدم التهنئة لقضاة مصر بمناسبة الاحتفال بيوم القضاء المصري
وأضاف السيسي : أهد بلد فيها 100 مليون أو 105 مليون بمليار جنيه، يعني 30 مليون دولار، فيه ناس بتصرفهم في حفلة! يبقى لما أجي أدفع 85 مليار للأسرة اللي هيا مش حاسة إنها عايشه والناس مرميه في الصفيح في الشوارع وفي المقابر، فحد يقولك البلد اللي مش لاقيه تاكل تفرشلهم الشقة كمان؟ طبعا، إذا كنا بنفهم كلنا يعني إيه أمن قومي مش هتستكتروا اللي إحنا بنعمله ده وأكتر منه إحنا تعبانين كده ومش معانا نعمل كده؟.
الرئيس السيسي: ممكن أهد الدولة بـ 2 مليار جنيه بس
وأكمل الرئيس السيسي: ماحدش هيهاجمك كتير من بره بشكل مباشر لأن ده تبعاته ضخمة جدا ومكلفة جدا مش بس عسكريا وماليا حتى من منظور القانون الدولي والنظام العالمي الموجود، الناس نازله تتظاهر وأنا بمليار جنيه أنزلهم 10 أسابيع ورا بعض زي ما نزلوهم .
المصدر موقع صدى البلد
