قالت الفنانة لقاء سويدان إنها تتعرض للسب والهجوم من لجان إلكترونية على مواقع التواصل الاجتماعي، بعد أزمتها مع الفنان ميدو عادل، مشيرة إلى أنها رفضت إجراء مداخلة هاتفية في أحد البرامج، وبعدها فوجئت بانتقاد مقدمة البرنامج لها.
وظهرت لقاء سويدان في بث مباشر على حسابها الشخصي بموقع الصور الشهير إنستجرام، وقالت: مش عايزة أرد، رغم إني بتهاجم في البرامج، بيتصلوا بيا يقولولي ردي فارفض وأتشتم، حتى لو في خلاف بيني وبين زميل، مش هطلع أشتمه في برنامج دي مش أخلاقي، بيشتموني في البرامج بس عادي ياما ناس أهم وأكبر مني واتشتموا، الموضوع مع جهات تحقيق .
وأضافت: أنا قدمت شكوى في ميدو عادل من أغسطس الماضي، مش عشان في تجاوز في حقي، لأ دي تجاوزات كتير، أنا واحدة كبيرة وعندي 49 سنة، اشتغلت مع أحمد زكي وسعاد حسني .
واستكلت: ورغم إن سني كبير لكن مبسوطة إن ربنا مديني صحة وشكل مناسب مع سني، فإنكم تخوضوا في عرضي دي مش أخلاق، لما تخوضوا في عرضي وفي حياتي الشخصية، أسهل حاجة إن الواحد يجيب لجان الكترونية وترد وتهاجم، أنا مبيفرقش معايا الناس المزيفة، مبيفرقش معايا غير الجمهور الحقيق اللي بيحبني وأصحابي اللي واقفين جمبي .
وهاجمت الإعلامية بسمة وهبة الفنانة لقاء سويدان بعد صفعها للفنان ميدو عادل، قائلة: موضوع مقزز وجديد علينا إن فنانة تضرب فنان بالقلم على وشه أو ست تضرب راجل بالقلم وبقول لميدو عادل إنت ساكت ليه، وبقول للقاء سويدان التصرف دا لا يليق بأنثى ولا بفنانة .
المصدر بوابة مصر 2030
