تحدث الفنان محمد رمضان عن فيلمه السينمائي الجديد ع الزيرو ، الذي يعرض حاليا بدور العرض السينمائي، وسر لقب نمبر وان لأول مرة.

محمد رمضان

وقال محمد رمضان، في لقاء عرضه برنامج سبوت لايت تقديم الإعلامية شيرين سليمان والمذاع عبر قناة صدى البلد: فخور بشغلي مع فريق عمل ع الزيرو وشركة العدل جروب وأكتر ما يميزها أنهم عاشقين للفن وشركة لها تاريخ عظيم وساهموا في صنع جيل كامل في الدراما .

وتابع رمضان: إحنا شغالين للجمهور، والسينما معمولة عشان احتضان الناس، وحلم حياتي الجمهور يبقى قاعد مبسوط .

وعن سر لقب نمبر وان، أوضح رمضان نمبر وان لما قولتها في أغنية كانت في فترة صعبة بمشواري، ومكنش فيه اعتراف ببعض الحقائق، يعني مسلسل الأسطورة كان محقق نجاحات كبيرة في الشارع، وكانوا بيقولوا مكنش الأعلى مشاهدة .

نمبر وان

وأضاف: استفزوني ورديت عشان كنت شاب صغير، ودلوقتي مهما يحصل مش ممكن هندفع لأني وصلت لـ 34 عاما وبنكبر وبنتعلم حاجات كتير .

وحقق فيلم ع الزيرو بطولة كل من محمد رمضان ونيللي كريم إيرادات بلغت 290 ألف جنيه، خلال عرضه أمس بدور العرض السينمائي.

واحتل فيلم ع الزيرو

المركز الثاني في أول أيام عرضه بعد فيلم مرعي البريمو ، الذي تصدر شباك التذاكر أمس في أول أيام عرضه أيضا، والفيلم من بطولة جومانا مراد، خالد الصاوي وشريف الدسوقي، ومن تأليف مدحت العدل وإخراج ماندو العدل.

وتدور أحداث فيلم ع الزيرو حول حمزة الملقب بدراجون، ولديه طفل مريض يسعى لعلاجه لكن حالته المادية متعثرة، ثم تتطور الأحداث ليصبح واحدًا من الأغنياء.

فيلم الزيرو

وفي سياق أخر كشف الفنان طارق النهري، عن تفاصيل الجزء التاني من مسلسل جعفر العمدة قائلا: اللي اعرفه لحد دلوقت أنهم لسه بيكتبوا لكن محدش كلمني لسه في أي حاجه خالص، هيكون موجود شوقي وكارم وحمادة وصفصف طبعا الملكة ومحمد رمضان

أساسي ومعرفش مين لسه بعد كده .

وأضاف النهري في تصريحات تليفزيونية لبرنامج on the top المذاع عبر قناة الشمس: فرحت جدا وهي مخاطرة لأن أنت عشان تعمل ده لازم تحقق نجاح أكبر من اللي حققته الجزء الأولاني، الكاتب هنا عليه عبء لأنه هيطور شخصيات جديدة وهيبني شخصيات وأنت كممثل عليك أنك تعيش الحالة اللي كنت فيها قبل كده وتشوف هتعمل إيه بعد كده .

وتابع: دايما مسلسلات الأجزاء مش كلها ناجحة، ومسلسل جعفر العمدة لو نزل في ٢٠٢٥ ممكن يفقدوا الحماس بتاع تواصل الموضوع إنما لو اتعمل فيما بعد برضو هيحتاج تطوير جديد خالص بقى .