وجهت عبير أحمد، مؤسس اتحاد أمهات مصر للنهوض بالتعليم، وإئتلاف أولياء الأمور، رسالة ومنشور لأولياء الأمور، قائلة: قبل نتيجة الثانوية العامة ايه الرسالة اللي تحبي توجيها لابنك أو بنتك قبل النتيجة .

أمهات مصر توجه رسالة لطلاب الثانوية العامة

وانهالت التعليقات من جانب أولياء أمور طلاب الثانوية العامة، على صفحة اتحاد أمهات مصر للنهوض بالتعليم، عبر موقع التواصل الاجتماعي فيسبوك.

ومن جانبها، قالت ولي أمر موجهه حديثها لابنها: ربنا وضعلك طريق والاب والام قاموا بتمهيد الطريق وانت عليك أن تمشى فى الطريق باستقامه علشان توصل بالسلامة .

وأضافت ولي أمر أخرى: عملت اللى عليك وزيادة واى مجموع انا فخورة انك ابنى، واتمنى كل ام يكون معها ابنك زيك يا عمرى، ربنا يجبر بخاطرك ويراضيك ويكرمك على كد كرمه ويسعدك دنيا وآخره ودايما تكون بار بيه، بحبك قد الدنيا وما عليها .

واستكملت ولي أمر أخري: هقول لابني انا فخوره بيك مهما كانت النتيجه انت تعبت وبذلت مجهود كبير، ان شاء الله ربنا يجبر بخاطرك ويفرحني بيك يا حبيبي قلبي ، وذكرت أخري: ربنا يكرمك يا ابني، عملت اللي عليك واكتر مهما كان مجموعك انت بطل والله وبإذن الله ربنا هيجبر بخاطرك ولا يضيع تعبك .

أولياء الأمور يوجهون رسائل لطلاب الثانوية قبل إعلان النتيجة

فيما وجهت ولي أمر رسالة لأبنها: انا فخورة بيك في كل الأحوال وعارفه انك عملت الا عليك وزيادة كمان، ولذلك عندى يقين بجبر خاطرنا من ربنا وبمجموع كبير كمان، وفي كل الأحوال هنسجد لربنا ونشكره وبرضو هنطلع حاجة لله .

وأضافت أخري: ربنا يراضيكي ويجبر بخاطرك يا بنتي انتي واللي زيك ويدخل الفرح بيتي يارب، اقولها انا راضيه بقضاء ربنا أيا كان هي اي ربنا كاتب لينا اي حاجه خير .

واستكملت: طبعا انتي عملتي اللي عليكي انا فخوره بيكي ايا كانت النتيجة، كفايه مراحل الامتحانات

اللي مريتي بيها تعب ومرض وعديتي بفضل الله كلو خير يارب .

وزير التربية والتعليم يعلن نسب نجاح امتحان مادة الفلسفة

وفي سياق منفصل، أصدرت وزارة التربية والتعليم، مساء أمس، بيان عاجل، أوضحت فيه نسبة النجاح في امتحان مادة الفلسفة والمنطق التي بلغت 91.9%.

وأعلن الدكتور رضا حجازي، وزير التربية والتعليم، أن عدد الطلاب

الذين حصلوا على درجة 95% فأكثر من الدرجة الكلية للمادة نسبة 0.5% من إجمالي عدد الطلاب المتقدمين لامتحان المادة.

وبلغت نسبة النجاح في امتحان مادة الرياضيات البحتة بلغت 89.7% وحصل على درجة 95% فأكثر من الدرجة الكلية للمادة نسبة 5.8% من إجمالي عدد الطلاب المتقدمين.